Muqdisho, (Allbanadir, 21-03-2008) Munasaabadaan sida wayn loo soo agaaasimay ayaa waxay ka dhacday xaafada Xamar weyne oo katirsan Magaalada Muqdisho, iyadoona ay ku bilaabtay banaan bax lagu muujinayay waynta jecaylka Rasuulka iyadoona ay ka qayb qaateen boqolaal muslim, markii ay muslimiintu tukadeen saladii Maqrib ayaa waxay ka soo kala bilaabeen masaajida kuyaalla degmada Xamar weyne oo idil.

Masaajidaasi ayaa waxaa kamid ahaa Masjid Sheekh Rummaan, Jaamaca Xamar weyne, labatada Mataano iyo Masaajid kale oo aad u waaweyn oo kuyaalla Magaalada Muqdisho gaar ahaan Degmada Xamar weyne.
 
Culumaa'udiinka Beesha Raar Faqih ayaa waxa ay ka aqriyeen Masaajidda qasaa'id loogu talagalay weyneynta Nebi Muxammed NNKH iyo sidoo kale iyaga oo ka muxaadareeyay Nebiga iyo Xilliga uu dhashay iyo sidoo kale sidii uu kusoo barbaaray.
 
Masjidka Sheekh Rumaanka ayaa waxaa ka aqriyay Sheekh Cali Xaaji Maxamed oo aad ugu dheeraaday Jaceylka Nebiga qofka ku weyn iyo faa'idooyinka uu leeyahay maalinta khiyaamaha, waxaana Sidoo kale uu halkaasi kusoo bandhigay Sheekh Cali Xaaji Maxamed.
 
Ugu dambeyntii Sanadkani oo ah Sanadka ugu cabsida badan Dalka Soomaaliya ayaa hadana Culumaa'udiinka Aalafaqiih waxaa u suuragashay in ay qabtaan Xuska Nebi Muxammed NNKH.